Një futbollist luan teatër në Ukrainë, shpallet “kandidat” për Oskar (Foto)

Çmimet Oskar mund të jenë dhënë muajin e kaluar, por mesfushori i Metalurg Dontesk, Aleksandr Noyok duket se do të jetë kandidat për t’u nominuar vitin që vjen, teksa luajti teatër ndaj Karpaty Lviv në ndeshjen e fundit të Premier League së Ukrainës.  Në momentin kur topi shkoi te Noyok, ai u prek lehtë nga një lojtar i Karpaty dhe nga kontakti, nëse ka pasur në fakt një të tillë, 22 vjeçari u shtri në fushë me fytyrë, u rrotullua dhe veproi si të kishte pësuar dëmtimin më të rëndë që është shënuar ndonjëherë në fushat e blerta. Megjithatë gjyqtari duket se kuptoi që nuk kishte asnjë faull ndaj tij dhe vazhdoi lojën, ndërsa mediat e kanë cilësuar atë si simulimin më qesharak dhe deri dramatik për mënyrën sesi pretendoi se u dëmtua lojtari, pas pamjeve filmike. Metalurg Dontesk ndodhet aktualisht në vend të 10-të në kampionatin ukrainas me 15 pikë në po kaq ndeshje.