Një grua tenton të kalojë barrikadën, mbyllet Shtëpia e Bardhë

Shtëpia e Bardhë u mbyll për pak kohë mbrëmjen e të premtes 31 korrik 2015, pasi një grua tentoi të kalojë barrikadën e vendosur përballë ndërtesës presidenciale.

Sipas infomacioneve, gruaja, e cila nuk u identifikua, u arrestua nga oficerë të shërbimeve secrete. Pas stabilizimit të situatës, autoritet hapën dyert e shtëpistë së bardhë.

Siguria është rritur në perimetrin rreth Shtëpisë e Bardhë pas një tentative të ngjashme të ndodhur në shtator të vitit të kaluar, kur një veteran i luftës në Irak, i armatosur me një thikë, kaloi gardhin dhe nisi të vraponte në oborrin e Shtëpisë së Bardhë.

Pas këtij incidenti, oficeret e sigurisë kanë vendosur një parabarrikadë, disa metra para hekurave me majë të mprehtë, me qëllim pengimin depërtimit brenda selisë presidenciale nga persona të paautorizuar.