Një i ri rrezikon burgun pasi tentoi për ryshfet ndaj policit

Një i ri rrezikon qelinë, pasi i afroi 500 lekë ryshfet një polici rrugor në Shkodër, që të mos i vinte gjobë.

Policia e Shkodrës njoftoi se arrestoi në flagrancë shtetasin Bujar Yzeirajn, 25 vjeç, banues në Krujë. Sipas policisë, “ky shtetas, më datë 29.09.2016, në rrugën nacionale Shkodër–Lezhë, në vendin e quajtur Krye Bushat, i ka ofruar 500 lekë punonjësit të policisë të qarkullimit rrugor, për të shmangur masën administrative për shkeljen e bërë. Nga Seksioni kundër korrupsionit, u kryen të gjitha veprimet hetimore ku shtetasi Bujar Yzeiraj u arrestua në flagrancë për veprën penale “Korrupsion aktiv ndaj personave që ushtrojnë funksione publike”.