Një shije akulloreje për çdo shenjë horoskopi

Në këtë stinë ato janë të pandashme dhe dëshira për t’i shijuar bëhet më e madhe çdo ditë. A dëshironi të dini se cila është shija e akullores, e cila i përshtatet më mirë personalitetit tuaj sipas shenjës së zodiakut? Zbulojeni…

Vera të fal shumë mundësi të bukura, të gjitha për t’i jetuar. Përveç ditëve në plazh, në diell dhe pranë detit një okazion shumë i mirë janë edhe akulloret. Sipas astrologjisë, çdo shenjë zodiakale i korrespondon edhe një shije ideale, e cila shpreh më mirë personalitetin tuaj. Ja atëherë se cila është shija ideale e akullores për ju në bazë të shenjës së horoskopit.

Dashi – luleshtrydhe

Dashi është një shenjë shumë aktive dhe dinamike, që pothuajse nuk ka kohë për t’u ushqyer. Për këtë fakt, kur ha, preferon diçka që i jep energji. Shija ideale për të është luleshtrydhja, e cila bashkon shijen e ëmbël me cilësinë e mirë të kësaj frute.

Demi – çokollatë

Demi është një shenjë e cila dëshiron të hajë mirë, akoma më shumë nëse bëhet fjalë për pjata tradicionale. Dëshiron t’i shijojë ushqimet me qetësi, duke ngrënë çdo gjë me ngadalë. Shija e tij ideale për sa i përket akullores është çokollata. Nuk do të lodhej kurrë së ngrëni të tillë shije akulloreje.

Binjakët – fruta ekzotike

Binjakët, më shumë sesa sasinë duan cilësinë dhe prakticitetin. Ata e kanë humorin të lëkundshëm dhe ndryshojnë vazhdimisht ide, ndërsa duan të ndihen vazhdimisht stimulues. Shijet ideale për ta janë ato të pazakonshmet dhe të reja, si për shembull; frutat ekzotike. E rëndësishme për ta është të guxojnë madje edhe në zgjedhjet kulinare.

Gaforrja – tiramisu

Gaforrja është një shenjë e ëmbël dhe romantike, aq shumë e vërtetë është kjo sa dëshiron t’i bëjë njerëzit e dashur të lumtur edhe në kuzhinë, duke përgatitur personalisht recetat e tij. Shija e tij ideale? Tiramisu.

Luani – fruta pylli

Duke qenë se nuk ekziston një akullore me copa floriri apo diamanti, në zgjedhjen e shijes luani preferon diçka të shijshme, por të pazakontë si për shembull; fruta pylli. Edhe në këtë çështje, ai dëshiron të demonstrojë të njëjtin personalitet të fortë.

Virgjëresha – akullore me qumësht

Virgjëresha është një shenjë shumë racionale, e cila nuk dëshiron të eksperimentojë shije të reja. Preferon të zgjedhë diçka tradicionale ose të thjeshtë. Akullorja që bën për personat që i përkasin shenjës së virgjëreshës, është ajo me qumësht: është freskuese, e shijshme, e shëndetshme dhe e thjeshtë.

Peshorja – krem katalanj

Peshorja adhuron elegancën edhe në tavolinë. E do ushqimin e mirë, atë të rafinuarin dhe të kushtueshmin. Edhe në zgjedhjen e akullores, kjo shenjë ka të njëjtën preferencë: idealja për të është akullorja me krem katalanj (ëmbëlsirë e ngjashme me pudingun), një shije e cila duket e thjeshtë, por në të vërtetë fsheh një shije, e cila të mbetet në gojë për një kohë të gjatë.

Akrepi – krem karamel

Akrepi është një shenjë shumë komplekse, tërheqëse dhe pasionante dhe këto i tregon edhe në zgjedhjen e ushqimeve. I do shumë pjatat e sofistikuara, të mirëpërpunuara dhe me yndyrë. Akullorja ideale për të? Ajo me krem karamel, një shije e paharrueshme.

Shigjetari – fruta pasioni

Shigjetari është një shenjë aventureske dhe komunikative. Jeton praktikisht me valixhe në dorë dhe është gati për çfarëdolloj ndryshimi. Akullorja ideale për të është ajo me fruta pasioni, ose si alternativë ndonjë shije tipike e vendit ku ndodhet. Është një shenjë, e cila dëshiron të jetë në koherencë të gjërave dhe të njohë kultura të ndryshme.

Bricjapi – straçatelë

Bricjapi është i ekuilibruar dhe i qëndrueshëm, veçanërisht nuk është i babëzitur, preferon të çojë përpara të gjitha punët e veta, përpara se të ulet në tryezë. Në zgjedhjen e akullores, spikat shija italiane: straçatela është shija perfekte për personalitetin e tyre; e thjeshtë në dukje, por që fsheh një shije të thellë.

Ujori – kafe

Ujori është një shenjë e pavarur, e cila adhuron të qëndrojë në shoqëri dhe të përjetojë eksperienca të reja. Nuk qëndron asnjëherë në një vend dhe shija e tij ideale është kafeja: ajo e mban zgjuar dhe i jep karikimin e duhur për të përballuar çdo aventurë të pabesueshme që mund t’i ndodhë në jetë.

Peshqit – fëstëk (fistiq)

Peshqit e duan ushqimin, por janë gjithnjë me humor të vazhdueshëm dhe për pasojë e ndryshojnë në vazhdimësi akulloren e tyre të preferuar. Pavarësisht kësaj, shija ideale për to është fëstëku që ka atë shije të pazakontë, të kripur dhe të ëmbël, tamam si karakteri i tyre.