Noemi u bë ëngjëll, mesazhi prekës nga stafi pedagogjik

Përcillet për në banesën e fundit Noemi Preka, vajza 10-vjeçare e familjes Preka që humbi tre anëtarë menjëherë pas përplasjes fatale, ndërroi jetë të mërkurën në spitalin e Shkodrës, ku qëndronte në koma prej pasdites së të dielës.

Në aksidentin e 18 shkurtit, familja Preka humbi babain e fëmijëve Edmondin, vajzën 5-vjeçare dhe djalin 9-muajsh, ndërsa nëna e fëmijëve ndodhet në spital në gjendje të qëndrueshme.

Shokët dhe shoqet e Noemit të shkollës 9-vjeçare “Gjergj Vatë Martini” në Velipojë kanë dhënë dhe një mesazh ngushëllues.

“Këto ditë, si çdo ditë më parë, fytyrat e buzëqeshura të fëmijëve do i jepnin dritë anë e kënd oborrit të shkollës… Por jo… Këto ditë, e sot më shumë se kurrë, pikëllimi na ka vërenjtur fytyrat e copëtuar zemrat… Sot, na mungon Noemi…vajza e ëmbël e klasës së katërt, nxënësja e dalluar, bija e çmuar e familjes Preka! Pushofsh në paqe, pranë babit, motrës e vëllait, Noemi jonë! Ne si staf pedagogjik i shkollës, nuk gjejmë fjalë për të ngushëlluar familjen për këtë humbje të madhe!”