Numërohen 75 kuti/ PS udhëheq me diferencë, PD në vend të dytë, ja sa vota ka LSI

Vijon procesi i numërimit të votave në shumicën e qarqeve të vendit. Në rang vendi janë numëruar deri më tani 75 kuti votimi nga 5362 që janë në rang vendi. Në bazë të rezultatit që prodhojnë këto  kuti PS është në avantazh e ndjekur nga PD dhe LSI.

MINUTE PAS MINUTE:

Ora:02:00-Në bazë të rezultatit që prodhojnë 75 kutitë e para të votimit, Partia Socialiste merr 9629 vota ose 51,9%, PD merr 5277 vota ose 28,5% të votave, LSI ka 3094 vota ose 16.7%. LIBRA merr 159 vota ose 0.9%. PDIU merr 363 vota ose 1.08%, dhe PSD 19 vota ose 0,1%.

Ora:01:30-Në bazë të rezultatit që prodhojnë 31 kutitë e para të votimit, Partia Socialiste merr 4648 vota ose 51,3%, PD merr 2627 vota ose 29,0% të votave, LSI ka 1570 vota ose 17.7%. LIBRA merr 48 vota ose 0.7% të votave duke surprizuar me dy deputetë. PDIU merr 134  vota ose 1.1%, dhe PSD, 2 vota.

Ora:00:55-Në bazë të rezultatit që prodhojnë 18 kutitë e para të votimit, Partia Socialiste merr 1926 vota ose 52,6% të tyre, PD merr 878 vota ose 24.0% të votave, LSI ka 846 vota ose 23,1%. Dy vota i merr LIBRA ose 0,1% ndërsa PDIU merr 9 vota 0,2%.

Ora 00:40- Në bazë të rezultatit që prodhojnë 13 kutitë e para të votimit, Partia Socialiste merr 1583 vota ose 53,6% të tyre, PD merr 667 vota ose 22,6% të votave, LSI ka 690 vota ose 23,4%. Dy vota i merr LIBRA ose0,1% ndërsa PDIU merr 9 vota 0,3%.

Ora 00:22- Në bazë të rezultatit që prodhojnë katër kutitë e para të votimit, Partia Socialiste merr 850 vota ose 47,9% të tyre, PD merr 433 vota ose 24,4% të votave, LSI ka 489 vota ose 27,6%. Një votë ose 0,1% e ka marrë edhe LIBRA.