Ofendoi Francën, Ibra pezullohet katër javë nga federata franceze

Federata Franceze e Futbollit ka vendosur të dënojë me katër ndeshje pezullim, sulmuesin e PSG, Zlatan Ibrahimoviç.  Siç mësohet nga mediat pariziene, vendimi i Federatës Franceze të Futbollit vjen pas “shfryrjes” që sulmuesi Suedez lëshoi ndaj vendit Francez gjatë ndeshjes së kampionëve të Francës përballë Bordeaux.  Suedez, 33-vjeçar, i i njohur për reagimet impulsive u kap nga kamerat duke ofenduar arbitrin e takimit, ndërsa më pas iu drejtua Francës me pretendimin se nuk e meriton talentin e tij. Reagimet ishin të shumta, aq sa në këtë vorbull polemikash u përfshi edhe politika me zëra që arritën deri aty sa kërkuan dëbimin e futbollistit nga vendi. Në fund të takimit lojtari kërkoj ndjesë, por kjo sërish nuk ka ndikuar në emocionet e Federatës Franceze që nuk e ka kursyer dënimin e tij. Konkretisht në këtë fazë delikate të kampionatit, ku Parisi udhëheq vetëm me një pikë para Lyonit, Zlatan nuk do të jetë në ndeshjet me Nice, Lille, Metz dhe Nantes.