Ora e shtrenjtë e ministres së Drejtësisë? Gjonaj: Ju tregoj vlerën

Sendet me vlerë të gjykatësve, prokurorëve, ministrave, deputetëve e çdo zyrtari që mban aksesorë me vlerë, është vënë në syrin e opinionit publik. Këtë herë fokusi ka rënë tek ministrja e Drejtësisë, Etilda Gjonaj e cila është ngacmuar në lidhje me orën.

E ftuar në emisionin ‘’Dritare me Rudinën” ajo ka thënë se ora e saj kushton jo më shumë se 150-100 euro.

“Ora ime kushton rreth 100-150 euro ose diçka më pak. Për më tepër, për pozicionin dhe natyrën që kam, nuk e kam zakon që të vishem me bizhuteri të shtrenjta dhe të rënda”, tha Gjonaj.