OST kryen punime në rrjet: Ja zonat që do të mbeten pa energji

Operatori i Sistemit të Transmetimit (OST) njoftoi për zonat që do të mbeten pa energji elektrike, gjatë ditës së nesërme, si pasojë e punimeve dhe remonteve në rrjet. Sipas njoftimit per shtyp nga OST-ja, do të ketë stakim për remont të linjës L 110-36 Laç 2-Laç 1 në Fushë Kuqe. Për pasojë, nesër, datë 20 mars, nga ora 09:00 deri në orën 14:00, këto zona do mbeten pa tension:

Në rrethin e Kurbinit: komuna Fushë Kuqë’, me fshatrat Fushë Kuqe, Gorre, Gurrëz; subjekti privat “Nyje–Betoni’’; pompat e ujësjellësit të Durrësit; hidrovorët “Drojë” dhe “Shlincë”. Në rrethin Lezhës: komuna Shënkoll-Tale, me fshatrat Rrilë, Barbullonjë, Gajushe, Shënkoll, Tale, Burgu i Shënkollit dhe hidrovorët “Tale”’ dhe “Barbullonjë”.