Paketa fiskale 2016, MF: S’do ketë rritje taksash

Ministria e Financave nuk do të paraqesë në Kuvend propozim për rritjen e taksave.

Sipas burimeve zyrtare nga ministria e Financave paketa e re fiskale, e cila do të paraqitet në muajt e ardhshëm në Kuvend për miratim nuk parashikon rritjen e taksave. Madje nga ekspertë të politikave fiskale në ministrinë e Financave po shqyrtohen disa variante për uljen e disa taksave.

Burimet thanë se një ndër taksat që propozohet të ulet është renta minerare, ndërsa pritet të rishikohen edhe akcizat.

Ministria e Financave propozoi edhe paketën lehtësuese për procedurat tatimore, e cila u finalizua pas 6 muaj konsultimesh me biznesin.