Panariti: Embargo mishit deri në vaksinimin e plotë

Ministri i Bujqësisë, Zhvillimit Rural dhe Administrimit të Ujërave, Edmond Panariti, deklaroi sot se “vatrat e sëmundjes, dermatozes nodulare në blegtori janë izoluar dhe nuk rrezikojnë të përhapen”.

Por embargo e tregtimit të mishit të gjedhit do të vazhdojë, sipas tij, deri në vaksinimin e plotë dhe gjithëpërfshirës të blegtorisë.

Në një konferencë të përbashkët për shtyp të hënën me ekspertin e BE-­së për Zbatimin e Reformës së Veterinarisë, Robert Connor në lidhje me menaxhimin e përhapjes së sëmundjes ndër gjedhë, dermatozës nodulare në vendin tonë, ministri Panariti tha se do të ketë masa drastike ndaj atyre që thyejnë moratoriumin e tregtimit të kafshëve dhe mishit.

Teksa problemi po trajtohet si një emergjencë dhe është në monitorim të përditshëm i gjithë sektori i blegtorisë.

Më tej, ministri Panariti i kërkoi Autoritetit Kombëtar të Ushqimit dhe Policisë së Shtetit të ndërmarrë penalitete për të gjithë ata subjekte që thyejnë embargon e tregtimit të mishit në njësitë e shitjes dhe eksportit jashtë kufijve.

“Nëse ne nuk zbatojmë këto masa me vendosmëri, Shqipëria do të kthehet në një vatër masive infeskioni siç ka ndodhur në vendet e rajonit ku është kthyer në një emergjecë kombëtare. Sapo ne të kemi mbaruar me vaksinimin e gjedhit në të gjithë Shqipërinë dhe të ketë mbaruar periudha e konsolidimit pa heziitm do hapë tregun e thertoret, por hapja në këtë moment e tregut do të ishte vrastare”, ­tha Panariti.

Ndërsa eksperti europian Connor, vlerësoi rëndësinë e masave që po merr ministria e Bujqësisë konform standardeve evropiane për parandalimin dhe kontrollin e kësaj sëmundje.

Ai tha se procesi i vaksinimit të plotë të gjedhit në të gjithë vendin, do të shënojë momentin e hapjes se tregtimit të mishit të gjedhit.

Në Shqipëri janë evidentuar deri tani mjaft raste të përhapjes së sëmundjes së gjedhit “Dermatoza nodulare”.