Panariti, telefon me Shkupin: Pse na i bllokoni mallrat?

Ministri i Bujqësisë, Edmond Panariti i ka shprehur homologut të tij në Shkup, shqetësimin e Tiranës zyrtare mbi disa vendime të palës maqedonase për mallrat shqiptare bujqësore.

Kështu, në një bisedë telefonike me të, Panariti ka informuar Maqedoninë se po shkel marrëveshjen e CEFTA-s, e nënshkruar nga të dyja vendet për qarkullimin e mallrave.

“Nga ana tjetër, këto veprime, -thotë ministri Panariti, -bien ndesh me frymën e bashkëpunimit dhe njësimit të standardeve”.

Në fund, Panariti ka deklaruar se pala shqiptare do të ankimojë bllokadën maqedonase për mallrat shqiptare.