Pas 37 vitesh bie borë në Sahara

Rëra e kuqe u mbulua nga flluskat e bardha të borës në afërsi të qytetit algjerian, Ain Sefra, raporton Mirror. Hera e fundit që ka rënë borë në shkretëtirën e Saharasë, më e madhja në botë, ishte 37 vjet më parë. Pamje të bukura nga ky fenomen i rrallë në Saharë i ka sjellë fotografi amator Karim Bouchetata. Në Ain Sefra, që njihet ndryshe si “porta e shkretëtirës”, ka rënë më 18 shkurt 1979. Në atë kohë bora kishte qëndruar vetëm një orë e gjysmë, por kete here ishte më jetëgjatë duke qëndruar tërë ditën në vendin që është mbi 1 mijë meter nga niveli i detit dhe është i rrethuar nga malet Atlas. “Të gjithë jane habitur me borën që ra në shkretëtirë, kjo është një dukuri shumë e rrallë. Dukej e mrekullueshme pas rënies së borës dhe bëra foto fantastike. Bora qëndroi rreth një ditë dhe tani është shkrirë”, ka thënë Bouchetata.