Pasdite Ndryshe në QTU

Qendra Tregtare Univers, në kuadrin e vlerave që përçon përgjegjësia sociale, ju bashkua sot nismës së fondacionit “Fundjavë Ndryshe” duke mirëpritur në ambientet e saj femijë nga familje në nevojë të zonave të ndryshme të kryeqytetit.

Fëmijët, të cilët një ditë më parë nisën vitin e ri shkollor, patën mundësinë të kalonin një pasdite argëtuese në qendër. Njëkohësisht në bashkëpunim me Dyqanet e Qendrës: Bufalo; Gald Preciosa; Cliché; SportBox; TallyWeijl; adidas; Bata; Koton; Jysk; ForMan dhe Happy Kids u pajis secili prej tyre me mjete shkollore, këpucë e veshje të ndryshme, duke synuar që nëpërmjet këtij kontributi të zbehej sadopak varfëria ekstreme që këta fëmijë vuajnë çdo ditë, e për ti bërë ata të ndihen të barabartë me shokët e tyre në shkollë.
Kjo nismë e QTU nuk është e para, dhe sigurisht nuk do të jetë as e fundit e këtij lloji. Ky event vjen në vazhdimësi të aktiviteteve të mëparshme që Grupi Balfin, pjesë e të cilit është edhe QTU, ka organizuar në mbështetje të shtresave të marxhinalizuara të shoqërisë Shqiptare, duke e integruar përgjegjësinë sociale në çdo aktivitet të Grupit.
ACREM, shoqëria që menaxhon Qendrën Tregtare Univers, ka planifikuar të shtojë kontributin për familjet në nevojë duke zgjeruar nismën edhe në qendrat e tjera të cilat ka në menaxhim të saj.
Grupi Balfin (Balkan Finance Investment Group) është një ndër grupet private investuese më të mëdha në Shqipëri dhe rajon.