PDIU takim me banorë të Njësisë nr. 7 dhe 11 në Tiranë

Kryetari i PDIU-së ka propozuar krijimin e një Autoriteti Kombëtar për Solidaritetin dhe një për Pronën. Gjatë takimeve me banorë të njësisë bashkiake 7 dhe 11, Idrizi tha se vetëm në këtë mënyrë do të ketë një solidaritet më të madh për familjen por edhe për zgjidhjen e  çështjeve të pronësisë.

Shpëtim Idrizi: “Ne kemi menduar që ky vend ka nevojë për një Autoritet Kombëtar të Solidaritetit. Ne nuk mund të jemi të pandjeshëm karshi të gjithë atyre njerëzve të cilët janë në kufinjtë e varfërisë. Dhe ky Autoritet Kombëtar i  Solidaritet, njerëzor në rradhë të pare,  do të ishte një autoritet që do të integronte të gjithë ata organizma që japin ndihmë, të gjithë OJQ-të. Propozojmë një Autoritet Kombëtar për Pronën ku kemi mundësi që të integrojmë të gjitha ata instituticione që merren me këtë gjë.”

Ndërsa kandidatja për deputete në Qarkun e Tiranës, Mesila Doda deklaroi se PDIU nuk është parti e vogël, pasi nuk mund të jetë e tillë një parti që ka në themel të saj kauzën kombëtare.

Mesila Doda: “ Nuk mund të jetë një parti e vogël një parti e cila ka pasur mundësi që stigmat ti ngrejë dhe ti ketë moment suksesi. Nuk mund të jetë një parti e vogël një parti që çështjen ekomonike dhe çështjen e nacionalizmit e ka thelbin e saj. Për familjet që kanë 2 ose më shumë fëmijë një ndihmë deri kur fëmijët të arrijnë në moshën madhore.”