Petrit Vasili, akuza komisionerit Hahn: Ika nga kryetar i LSI, prej jush!
Europianët akoma nuk po flasin hapur për krimin e drogës në Shqipëri. As për rastin e skandalit Habilaj-Tahiri. Ka dy raste që kanë folur, por si BE apo si Bruksel zyrtar akoma, bile po bëjnë sikur nuk ka ndodhur gjë me zgjedhjet apo me rastin e ish-ministrit të brendshëm. PPE ka bërë një deklaratë si dhe dje foli Christian Hellbach, Drejtor për Europën Jug-Lindore në Ministrinë e Jashtme të Gjermanisë. Siç dihet BE ka hallet e saj dhe nuk don t’ia dijë shumë për demokracinë në shtetet e Ballkanit Perendimor. Për momentin, për Brukselin, më i rëndësishëm mbetet stabiliteti e jo demokracia. Nuk e thonë hapur, por de facto kjo politikë po zbatohet.
Kjo heshtje europiane, sidomos për pazarin Rama-Basha me 18 maj dhe mosreagimi për blerjen e votave nga bandat e drogës prej kryeministrit Rama, ka bërë që të shpërthej hapur Petrit Vasili.
Në takimin që komisioneri e BE Johanes Han ka pasur edhe me grupin e LSI dje, kryetaren Monika Kryemadhi, ka pasur një deklaratë surprize nga ish kreu i LSI që ka shtangur mysafirin nga Brukseli.
Petrit Vasili për herë të parë ka dhënë arsyen për dorëheqjen e tij nga kreu i LSI. Vasili mësohet se i ka thënë Hahn: Ika prej jush. Ika se humba besimin tek Brukseli. Ju patë gjithçka çfarë po ndodhte me drogën dhe heshtët, i latë dorë të lirë Edi Ramës ta kriminalizonte Shqipërinë. Unë s’kam më besim tek ju, Kryemadhi ka akoma, le t’ju besojë, por unë jo.
