“Po vjen Edi Rama”, institucionet në Peqin venë kyçin. Të gjithë për të pritur kryeministrin

Kryeministri Edi Rama u ndal ditën e djeshme në qytetin e Peqinit, në kuadër të turit të tij elektoral pak ditë para zgjedhjeve të 25 Prillit.

Dhe si kudo ku shkel i pari i qeverisë të gjitha institucionet shtetërore kyçin dyert për të mbushur sheshin ku flet kryeministri.

Siç shihet në videon e mëposhtme, zyra e Drejtorisë Arsimore ishte e mbyllur gjatë kohës që Rama ishte në Peqin. Po ashtu edhe shkollat dhe gjimnazet ishin mbyllur për të marrë pjesë në miting, shkruan Ora News.

Edhe pse ligji e ndalon një gjë të tillë, mitingjet e kryeministrit nuk kursejnë as nxënësit të cilët nxirren nga mësimi për të mbushur karriket në takimet elektorale të PS.

Punonjësit e të gjithë institucioneve shtetërore ishin të detyruar të dilnin për të pritur kryeministrin, ndryshe… mirupafshin vendi i punës… /Ora News