Presidenti Meta dekreton qeverinë “Rama 2”

Lajme E Martë, 13 Korrik 2021 03:57

Pas dorëzimit në Presidencë të emrave të kabinetit të ri qeveritar prej kryeministrit Edi Rama, i menjëhershëm ka qenë veprimi i Presidentit Ilir Meta.

Burime zyrtare nga Presidenca i thanë se kreu i shtetit ka firmosur dekretin e qeverisë “Rama 2”.

Presidenti ka hapur kështu rrugën për votimin e qeverisë së re në Kuvend. Të hënën kabineti i ri do votohet në Kuvend. Votimi i qeverisë kërkon 71 vota. PS fitoi në zgjedhje 74 mandate.

Ashtu si në rastin e votimit të kreut të Kuvendit, Gramoz Ruçi, mund të ketë deputetë të opozitës që do votojnë kabinetin e ri.

PROPOZIMI I KRYEMINISTRIT

Z.Ilir Meta President i Republikës
Lënda: Propozim për përbërjen e Këshillit të Ministrave dhe emërimin e ministrave.
Zoti President,
Si kryeministër i emëruar, mbështetur në pikën 1, të nenit 98, të Kushtetutës, Ju paraqes përbërjen e Këshillit të Ministrave dhe propozimet për emërimin e ministrave përkatës, si më poshtë vijon:
Z. Edi Rama- Kryeministër

Znj, Senida Mesi- Zëvëndëkryeministre;

Z. Ditmir Bushati- Ministër për Europën dhe Punët e Jashtme;

Znj. Olta Xhaçka- Ministre e Mbrojtjes;

Z. Fatmir Xhafaj- Ministër i Brendshëm

Z. Arben Ahmetaj- Ministër i Financave dhe Ekonomisë;

Z. Damian Gjinkuri- Ministër i Infrastrukturës dhe Energjisë;

Znj. Lindita Nikolla- Ministre e Arsimit, Sportit dhe Rinisë;

Znj. Etilda Gjonaj- Ministre e Drejtësisë;

Znj. Mirela Kumbaro Furxhi- Ministre e Kulturës;

Z. Niko Peleshi- Ministër i Bujqësisë dhe Zhvillimit Rural;

Znj. Ogerta Manastirliu- Ministre e Shëndetësisë dhe mbrojtjes Sociale;

Z. Blendi Klosi- Ministër i Turizmit dhe Mjedisit;