Prizreni: Egzon Shala i premton medalje mundjes shqiptare

Egzon Shala shpreson të marrë medalje në europianin e mundjes që zhvillohet në Baku të Azerbajxhanit, në qershorin e këtij viti dhe më pas të arrijë normat olimpike në botërorin e Las Vegasit në muajin shtator. Objektivi madhor mbetet medalja olimpike, një arritje që i mungon Shqipërisë. Këtë e siguron një kampion i madh si Said Prizreni, që tek 24 vjeçari Shala sheh potencialin e mundshëm për të synuar këto objektiva.  “Mund të them që jemi me fat që Egzoni garon për Shqipërinë, ai është e ardhmja dhe jam i bindur se jo vetëm do të sigurojë pjesëmarrjen në Lojërat Olimpike por do të marrë atje edhe medalje, diçka që nuk e realizova vetë për Shqipërinë.”

Egzon Shala do të marrë pjesë në lojërat e para europiane që do të zhvillohen në Baku, ku synimi është kthimi në Shqipëri me medalje.