Problem me airbagët, ”Mercedez-Benz” tërheq 400 000 automjete

Prodhuesi i makinave ”Mercedes-Benz”, pronar i gjermanit Daimler, njoftoi tërheqjen e 400 000 automjeteve në Britaninë e Madhe për probleme në hapjen e airbagëve.

”Tërheqja përfshin modelet Classes A, B, C dhe E si dhe CLA, GLA dhe GLC dhe përqendrohet në automjetet e shitura nga nëntori 2011 dhe korriku 2017″, sipas një zëdhënësi të ”Mercedes”.

Ky i fundit theksoi se problemi nuk lidhet me skandalin e prodhuesit japonez ”Takata”, që kishte tërhequr rreth 100 milionë airbagë në mbarë botën.

”Mercedes” theksoi se kishte konstatuar në rrethana të rralla një problem teknik që mund të çojë në një shkarkesë elektrike që mund të shkaktojë hapjen e airbagëve.