Problemet e procesit, Mandija takohet me Demirajn, pasdite thërret në raport 4 ministra

Zëvendëskryeministrja Ledina Mandija, në cilësinë  e drejtueses së Task  Forcës, u takua sot në mesditë me Ministrin e Brendshëm Dritan Demiraj dhe Drejtorin e Përgjithshëm të Policisë Haki Çako, me të cilët u diskutuara për masat e marra nga ana e Policisë së Shtetit për rastet e denoncuara, që prej datës 24 qershor e deri më tani në këtë orë, në zyrën e zv/kryeministres, nëpërmjet numrit të vënë në dispozicion dhe portalin elektronik të denoncimeve.

Në përfundim të takimit Zëvendëskryeministrja Mandija  njoftoi mbledhjen e Task Forcës në orën 17:00 . Në rendin e ditës së kësaj mbledhje si çështje kryesore është raportimi nga Ministri i Brendshëm dhe Drejtorit i Policisë së Shtetit për problematikën e hasur gjatë procesit zgjedhor  që prej  ditës e djeshme, 24 qershor e  deri në këtë moment, ku do të shqyrtohet rastet e denoncuara dhe masat e marra.

Si pikë e dytë e rendit të ditës është raportimi nga Ministri i Financës, Ministri i Mbrojtjes, Ministri i Arsimit dhe Ministri i Drejtësisë për rastet e adresuara nga institucionet e tyre në drejtim të Policisë së Shtetit.

Ky është takimi i gjashtë i Task-Forcës për marrjen e masave dhe monitorimin e veprimtarisë, sjelljes apo përdorimit të burimeve njerëzore, financiare dhe logjistike të administratës shtetërore, gjatë procesit zgjedhor për zgjedhjet në Kuvendin e Shqipërise për vitin 2017.