Punësim tek privati – Oferta e PS për Vlorën: Zhvillim të turizmit dhe industrisë

Turizmi dhe industria janë dy nga prespektivat kryesore të qytetit të Vlorës.

Kjo është oferta që propozojnë socialistët për qytetin bregdetar dhe që është bërë i njohur gjatë një takimi që drejtuesi politik i qarkut të Vlorës, Damian Gjiknuri, ka zhvilluar në  dy prej bizneseve të prodhimit që ushtrojnë aktivitetin e tyre në zonën  e Novoselës.

Gjiknuri: Vlora ka një prespektivë, turizëm por pse jo dhe industrinë. Sepse Vlorës përveç investimeve të mëdhaja që do të bëhen, shëtitorja jo vetëm që përfundoi kjo e para por do të shtrihet deri në pyllin e Sodës. Pylli i Sodës do të kthehet në një park shlodhës dhe kreativ, qëndra e Vlorës do restaurohet, Skela do të marrë prapë një projekt të ri. Vlora do të bëhet qyteti i parë pas Tiranës.

Duke ju referuar çështjes së punësimit, Gjiknuri tha se puna kryesore është tek privati dhe jo tek shteti.

Ai premtoi mbështetjen e qeverisë që do të përkthehet në më shumë aktivitet për bizneset.