Qeveria, 1.8 miliardë lekë fond tranzitor 61 bashkive të reja

Qeveria vendosi në mbledhjen e sotme të shpërndajë një fond tranzitor në vlerën e 1.857.683.000 lekëve për zbatimin e reformës së re administrativo-territoriale, për 61 bashkitë e reja në rang vendi.

“Ky fond të përballohet nga fondi për zbatimin e reformës së re administrativo-territoriale, miratuar për vitin 2015.

Ngarkohet Ministria e Financave dhe ministri i Shtetit për Çështjet Vendore për zbatimin e këtij vendimi”, cilëson kjo VKM.