Qeveria 380 milion lekë bashkive për fondin e investimit në funksionim të ujitjes dhe kullimit

Qeveria ka miratuar mbledhjen e sotme vendimin për shpërndarjen dhe detajimin e fondit të investimeve për funksionimin e ujitjes dhe kullimit, në njësitë e qeverisjes vendore.

Kështu sipas vendimit, fondi i vënë në dispozicion të bashkive është 380 mln lekë.

“Tepricat eventuale të prokurimeve të fondit të përcaktuar në këtë vendim, rishpërndahen me vendim të Këshillit të Ministrave. Ngarkohen ministri i Bujqësisë dhe Zhvillimit Rural, ministri Brendshëm, ministri i Financave dhe Ekonomisë dhe bashkitë për zbatimin e këtij vendimi” , thuhet në vendim, duke përcaktuar se ai do të marrë fuqi ligjore, menjëherë me botimin në Fletoren Zyrtare.