Rama ndan pamjet: Diagnostikimi prenatal i anomalive kardiake, një arritje madhore e mjekësisë moderne

Kryeministri i Edi Rama ka vlerësuar përparimet e rëndësishme të mjekësisë moderne në diagnostikimin e hershëm të anomalive kardiake tek të porsalindurit, duke e cilësuar këtë si një nga arritjet më të mëdha në fushën e shëndetësisë. Sipas Ramës, falë avancimit të diagnostikës prenatale, veçanërisht përmes ekokardiografisë fetale, sot është e mundur që anomalitë e zemrës të identifikohen që gjatë jetës intrauterine. Kjo u jep mjekëve dhe prindërve kohën e nevojshme për të planifikuar trajtimin menjëherë pas lindjes, duke rritur ndjeshëm shanset për sukses.

Postimi i plotë

Diagnostikimi i anomalive kardiake tek të porsalindurit që në jetën intrauterine është sot një nga arritjet më të rëndësishme të mjekësisë moderne.

Falë avancimit të diagnostikës prenatale, veçanërisht përmes ekokardiografisë fetale, anomalitë e zemrës mund të identifikohen herët, duke u dhënë mjekëve dhe prindërve kohën e nevojshme për planifikimin e trajtimit që në momentin e lindjes.

Sot kemi rezultate shumë më të mira në këtë drejtim, falë aftësisë së profesionistëve tanë shëndetësorë dhe pajisjeve mjekësore gjithnjë e më cilësore, që garantojnë diagnozë më të saktë, ndërhyrje në kohë dhe më shumë siguri për jetën e çdo fëmije.