Rama tallet me kandidatët e Bashës: Vangjel Dule dhe Dashi i Havasë do sjellin “Republikën e re”

Kryeministri Edi Rama në një takim me qytetarët ka ironizuar listën e PD-së për qarkun e Vlorës.

Rama ka renditur edhe një sërë arsyesh se pse qytetarët nuk duhet ta hedhin votën për kandidatin e PD-së Vangjel Dule si dhe për Dashamir Tahirin.

“Si mund t’i jepet vota e Vangjel Dules?

Duhet të kalosh tek PD-ja por nuk është tek PD-ja ai. PBDNJ, iku me prodhimet e kalbura.

Ngeli veç Vangjeli që do karrige. Ky Vangjeli u nderua nga PS si asnjëherë tjetër. U bë nënkryetar parlamenti.

Pasi u përzgjodh Shpëtim Idrizi dha dorëheqjen sepse nuk bashkëjetonte dot me çamët.

Ky që nuk bashkëjetonte dot, na shfaqet me Dashin e Havasë duke thënë unë dhe Dashi do bëjmë Republikën e Re.

Asnjë votë Vangjel Dules pasi është e pavlefshme dhe e verbër.

Ai duhet të përfaqësonte minoritetet. Ky nuk më ka kërkuar njëherë një investim, një zgjidhje për problemet e qytetarëve. Vetëm në parlament për të nxitur sherr.

Këto janë parti qokash, kërkojnë votat dhe si keni më për asnjë punë,” tha Rama.