Ristani: Nuk na shqetëson krijimi i partive të reja. Kur bëhet fjala për fitore, PD-ja e ka gjetur gjithmonë mënyrën e ribashkimit

I pyetur nga gazetarja Beti Njuma se çfarë mendimi ka Arben Ristani si një figurë e vjetër e Partisë Demokratike, lidhur me partitë e reja brenda gjirit opozitar, ai qëndroi konstant.

Nga studioja e RTV Ora, ish-sekretari i Përgjithshëm i PD-së, theksoi se selia blu e ka lirinë në themel.

E rëndësishme për ta, sipas tij, është  motivi i përbashkët, largimi i Ramës. Sipas tij, gjithësecili që e ka kuptuar që qeverisë aktuale i ka ardhur fundi, PD-ja e ka treguar gjithmonë se ka gjetur mënyrën për t’u ribashkuar.

Ristani: Që nga momenti që ne dolëm nga komunizmi dhe vendosëm të ndërtojmë demokracinë, krijimi i partive politike është një liri e parashikuar edhe në Kushtetutë. Kjo është demokracia në veprim.

Ndërsa nga ana tjetër, historia e Partisë Demokratike, ka qenë e tillë qëkur ajo është krijuar, ju mbani mend një grup nismëtarësh të Partisë Demokratike, që krijuan Aleancën Demokratike. Është në genin e partisë Denokratike liria.

Janë njerëz të lirë të cilët mendojnë se mund t’i shërbejnë politikës duke krijuar partitë e tyre.  Sigurisht që në rast se nuk do të kishte ndryshime të Kodit Zgjedhor dhe të Kushtetutës, që Rama kësaj iu tremb, që PD-ja edhe pse ka këtë liri edhe në krijimin e partive të tjera, gjithmonë  e ka gjetur mënyrën për t’u ribashkuar, qoftë edhe në komisione të mëdha, për të arritur fitoren. Dhe Rama duke ditur mirë këtë, pikërisht ndaj ka ndryshuar ligjin elektoral dhe kushtetutën.

Të mos përqendrohemi tek Znj. Topalli, sepse nuk e dimë saktë nëse bëhet fjalë për një parti të re politike, apo jo. Unë e ndoqa në ato se çfarë u tha në media dhe nuk flitet për ndonjë parti politike. Kjo është e rëndësishme.

Në respekt të lirisë së tyre për të krijuar atë se çfarë mendojnë ata të vlefshme, të gjithë duhet të biem dakord se pushteti i krijuar sot nga Rama dhe Rilindja, është më i keqi që kanë pasur ndodnjëherë shqiptarët.