Rrënqethëse/ Futbollisti i Chapecoense që mbijetoi nga tragjedia do luajë me Barcelonën

Chapecoense ka konfirmuar se Alan Ruschel, i mbijetuari i përplasjes së aeroplanit në nëntor të vitit të kaluar, do të luajë ndaj Barcelonës në “Camp Nou” më 7 gusht.

“Chapecoense konfirmon se me vendimin e bordit, departamentin e futbollit dhe vetë lojtarin, që është gati të luajë, rikthimi zyrtar i Alan Ruschel do të jetë më 7 gusht ndaj Barcelonës në “Camp Nou”.

Nesër duke filluar nga ora 20:30, Barcelona pret në “Camp Nou” Chapecoensen për trofeun “Joan Gamper”. Të gjitha të ardhurat do të shkojnë për klubin brazilian.

Ky vendim ishte marrë menjëherë pas tragjedisë vitin e kaluar.

Në tragjedinë e nëntorit humbën jetën pothuajse gjithë lojtarët si dhe shumë gazetarë.

Alan Ruschel ishte në mesin e tre të mbijetuarve dhe i vetmi që mund të vazhdojë të luajë.