Saimir Tahiri ikën në Gjermani

Ish-ministri i Brendshëm Saimir Tahiri, person nën hetim nga prokuroria, ka udhëtuar këtë të premte drejt Gjermanisë, vend anëtar i hapësirës Shengen.

Top Channel rapoton se lajmi është konfrimuar nga burime konfidenciale. Ky udhëtim vjen pas një heshtjeje të gjatë të ish-ministrit, që një ditë më parë mungoi në Parlament, ku emri tij ridoli në skenë. Ndërkohë, burime të tjera shtojnë se arsyet janë familjare.

Avokati i Saimir Tahirit, Maks Haxhia ka deklaruar se nuk ka dieni për udhëtimin e klientit të tij, i cili mund të jetë udhëtim për arsye personale. Sipas ligjit, Tahiri është person nën hetim, por ky udhëtim nuk përbën shkelje ligjore ka sqaruar avokati.