Salah ka dy arsye madhore se përse duhet të luajë pas pak ndaj Uruguait

Mohamed Salah pas më shumë se 60 minutash do të zbresë në fushën e lojës për të luajtur në ndeshjen e parë të fazës së grupeve ndaj Uruguajt. Sulmuesi egjiptian që shkëlqeu në këtë sezon në Liverpool dhe Evropë, duket se është gati për të ndihmuar shokët e tij. Konfirmimi erdhi nga trajneri Cuper një ditë më parë, por edhe vetë futbollisti ndihet mirë dhe nuk kërkon ta humbasë këtë ndeshje.

Por nuk është vetëm gëzimi i premierës në Botëror, Mohamed Salah sot feston edhe ditëlindjen e tij të 26, e cila ndër të tjera përkon edhe ditë e Shenjtë të Bajramit të Madh. Ashtu si edhe të gjithë futbollistët e tjerë të Egjiptit, Mohamed Salah ka qenë shumë strikt në muajin e Ramazanit, pavarësisht problemeve që kishte me dëmtimin.

Nga viti 2011, Mohamded Salah numëron 57 ndeshje me Egjiptin dhe 33 gola të shënuar.