Sepp Blatter: Platini më ka kërcënuar me burg

Presidenti i dorëhequr i FIFA-s, Sepp Blatter, pohoi se presidenti i UEFA-s, Michel Platini, e kishte kërcënuar vëllanë e tij se do të burgosej nëse nuk jep dorëheqje nga posti.

Sepp Blatter u rizgjodh president i FIFA-s në muajin maj përkundër akuzave për korrupsion në shtëpinë e futbollit. Pak ditë më vonë ai njoftoi për dorëheqjen e tij.

Zgjedhjet e reja në FIFA do të mbahen në shkurt të vitit 2016 dhe pritet të kandidojë Mishel Platini si zëvendësues i Blatter-it.

Blatter tani ka akuzuar Platinin se është duke luajtur një lojë të pistë prapa skenës.

“Platini ishte në drekë me vëllanë tim, u ulën në të njëjtën tavolinë. Ai i tha vëllait tim: “Seppi duhet të jap dorëheqje para zgjedhjeve ose do të shkojë në burg’”, ka thënë Blatter.

Platini ka refuzuar të komentojë akuzat, duke theksuar se lajmet janë të pavërteta