SHBA i mbyll gojën qytetarit dixhital
Nga Ardit Rada/Rrufeja që Uashingtoni lëshoi sot mbi opozitën nuk ishte një e papritur e madhe. Ajo më tepër se gjithçkaje tjetër i dha fund ankthit të publikut dhe vetë politikës se kur Amerika do të flasë shkurt e shqip dhe me emra konkretë, e bën vërtetë. Paralajmërimi i ambasadorit Donald Lu se ata që nuk e duan reformën në Drejtësi do të turpërohen, sot është përshkallëzuar në një nivel më të lartë.Ambasadori i aleatit më të madh u ‘sfilit’ jo vetëm duke bredhur javë për javë nga zyra e Bashës tek ajo e Berishës, jo vetëm duke çuar Ramën në Uashington te Obama, jo vetëm duke parë nga afër mbledhjet e grupeve parlamentare, por edhe i vënë nën akuzë nga figurat kyçe të PDsë se po u prekej sovraniteti.
Sot, ndryshe nga të majtët e këtij vendi, amerikanët kanë kuptuar se në PD nuk drejton Berisha, por edhe pasardhësi i tij është po njësoj dhe e bashkëqeveris partinë me të njëjtin plan pune. Ata mendojnë njësoj, sulmojnë njësoj, përgjojnë njësoj. Dikush përmes qytetarit dixhital e dikush përmes shantazheve se Lusë do t’i publikohen emailet, që e bëjnë bashkëfajtor në dështimin e tryezës së 6 qershorit. E paprecedentë po aq sa reagimi i SHBAve është edhe kërcënimi se opozita do t’i djegë mandatet nëqoftëse edhe një deputet i vetëm i saj e voton draftin. Por përse i gjithë ky kërcënim, presion, shantazh kundër reformës në Drejtësi? Pretendimi se mazhoranca do ta kapë drejtësinë përmes emërimeve ka rënë sot njëherë e mirë teksa SHBAtë dhanë OK për të votuar pikërisht draftin përfundimtar të Komisionit. Dhe Barack Obama, që ia kishte lënë Donald Lusë ‘amanet’ reformën, zor se është dakord që gjyqtarët dhe prokurorët nesër t’i zgjedhë Edi Rama…
Kundërshtitë ndaj reformës gjer në konfliktimin ekstrem me Amerikën kanë lidhje me strategjinë e PDsë për të sulmuar qeverinë siç ka bërë që ditën e parë të mandatit duke publikuar emra zyrtarësh të dënuar apo implikuar. Apo siç Berisha është kthyer në profet dhe falë qytetarit dixhital e di se çfarë do të ndodhë pas një jave. I gjithë ky informaicon i ardhur nga ‘Qytetari Dixhital’ me reformën në drejtësi nesër do të shterojë. Sepse Qytetari Dixhital janë ata që nga brenda zyrave të sistemit të 6/8/2016 SHBA i mbyll gojën qytetarit dixhital drejtësisë i rrëfehen Berishës që i zgjodhi dikur. Janë ata që për 25 vite kanë tjetërsuar pronat, kanë dënuar të pafajshëm, kanë liruar vrasës dhe e kanë kthyer derën e Gjykatës në ferrin ku populli thotë ‘as hasmin mos e pafsh këtu’. Qytetari Dixhital janë gjykatësit dhe prokurorët që pas reformës do të ‘vdesin’ dhe Berisha mbetet memec. (Javanews.al)