Shqipëria pret samitin e NATO-s në 2027! Ministri Hasani: Kemi nisur përgatitjet

Ministri i Jashtëm Igli Hasani ka mbajtur një konferencë për median në përfundim të konferencës treditore “Tirana diplo2024”.

“Në kalendarin e aktiviteteve të NATO-s 2027 është vendosur që Samiti do të organizohet në Shqipëri. Vitin e ardhshëm do të jetë në Holandë. Jemi në identifikimin e burimeve njerëzore dhe fondeve. Kjo tregon se Shqipëria është partner dhe aleat i domosdoshëm në organizatën e Aleancës së Veriut”.

“Në 2025 një tjetër aktivitet i rëndësishëm do të zhvillohet, mbledhja e komitetit politik europian. Këtë vit në korrik u zhvillua në Mbretërinë e Bashkuar, në fund të vitit në Hungari ndërsa në 2025 në Shqipëri. Janë formate që na bëjnë më të përgjegjshëm, dhe rrisin rëndësinë e rajonit nga ne vijmë. Ndërkohë një strukturë e re do të ngrihet në Ministrinë e Jashtme ku në focus do të jenë shqiptarët e rajonit. Kemi miratuar një strukturë të re të ministrisë së jashtme. Më thelbësorja është një drejtori që do të angazhohet me të gjithë shqiptarët në rajon”, tha Hasani.