Shqipëria voton. Të gjitha incidentet gjatë ditës së zgjedhjeve

Sot qytetarët shqiptarë u janë drejtuar kutive të votimit për të zgjedhur parlamentin e ri. Më poshtë mund të lexoni të gjitha zhvillimet kryesore; deklaratat, incidentet që kanë ndodhur deri në orën 12:00.

ORA 13: 25/ Reagon PS për Ilir Metën

Partia Socialiste ka reaguar pas deklaratës së fortë të bërë nga kryeparlamentari dhe presidenti zgjedhur i vendit, Ilir Meta, teksa i bënte thirrje shqiptarëve të nrgihen kundër bandave të Rilindjes.

DEKLARATA E PS
Partia Socialiste e Shqiperise shpreh keqardhjen per sjelljen antiligjore te Presidentit te zgjedhur Ilir Meta, i cili po shkel me te dyja kembet Kodin Zgjedhor qysh prej dites se djeshme dhe sot ne vazhdim.

Perpjekja e zotit Meta per te tensionuar situaten, me deklarata te papergjegjshme dhe deklaratat zyrtare te LSI-se me akuza vulgare ndaj socialisteve dhe vete Policise se Shtetit, jane te denueshme moralisht, politikisht dhe ligjerisht. Partia Socialiste u ben thirrje te gjithe qytetareve shqiptare te marrin pjese masivisht ne votim dhe u kerkon te gjithe ekipeve elektorale, votuesve, mbeshtetesve si edhe simpatizanteve te saj, te ruajne qetesine.

Mos bini pre e provokimeve skandaloze te Presidentit te zgjedhur e te eksponenteve te partise se tij, sidomos te “vezhguesve” te LSI qe ne disa zona jane elemente me precendente penale. Ruani qetesine. Beni detyren patriotike ndaj Shqiperise sot me voten tuaj dhe perballoni me shume vetepermbajtje, ofensiven mizerabel te Presidentit te zgjedhur mbi procesin zgjedhor. Keto zgjedhje, jane nisur per te qene me cdo aspekt me te mirat qe Shqiperia ka zhvilluar ndonjehere, prandaj cdo zgjedhes e zgjedhese qe merr pjese me qetesi e qytetari ne votime, pavaresisht per ke voton, jep nje kontribut te shkelqyer qytetar e atdhetar.

Partia e Presidentit te zgjedhur, nuk mund, nuk duhet dhe nuk do t’ua prishe dot kete feste demokratike Shqiperise e shqiptareve.  Sa me shume njerez ne votime sot, aq me e sigurte, me e forte, me e mire, Shqiperia neser.  

ORA 13:10: Deklaratë e ashpër e Ilir Metës nga Lezha

Kryetari i Kuvendit, Ilir Meta ka dhënë një mesazh të fortë nga Lezha, ku mbërriti menjëherë pas plagosjes së aktivistit të LSI-së, para qendrës së votimit nga persona ende të paidentifikuar. Ilir Meta mbërriti në Shëngjin me gjithë eskortën e tij dhe ka lëshuar një deklaratë të fortë.

 “Kam ardhur të mbroj votën e lezhjanëve”- ka thënë Meta, ndërkohë që ka bërë thirrje për shqiptarët “të ngrihen kundër bandave të Rilindjes”. Para nisjes, kryeparlamentari, njëherësh edhe presidenti i zgjedhur i shqiptarëve, Ilir Meta është shprehur në mbrojtje te zgjedhjeve të lira. “Bandat e drogës nuk mund të mbajnë peng Shqipërinë”,- ka deklaruar Meta para nisjes për në Lezhe. “Është detyra jonë për çdo sakrificë, duke nisur nga unë i pari. Të gjithë drejt qendrave të votimit. Do të neutraizilojmë oligarkinë dhe bandat që ajo ka nxjerrë sot. Të gjithë drejt votimeve. Të gjithë lezhjanët të jenë të sigurt se zgjedhjet nuk prekten”,- tha Ilir Meta.

 ORA 12:55/PD tërheq komisionerët në 30 qendra votimi, ja arsyeja

Partia Demokratike ka tërhequr komisionerët në 30 qendra votimi në zonën e Lushnjes dhe Divjakës. Arsyeja sipas PD-së është fakti se përreth qendrave qëndrojnë njerëz të paautorizuar të cilët kërkojnë të ndikojnë në vendimmarrjen e qytetarëve.

ORA 12:20/ Luan Rama: Policia po minon zgjedhjet

Nënkryetarit të Lëvizjes Socialiste për Integrim, Luan Rama denoncoi incidentet e ndodhura gjatë ditës së sotme. Ai akuzoi direkt kreun e Policisë së Shtetit, Haki Çako dhe Kryeministrin Edi Rama.

Deklarata e plotë për median e Nënkryetarit të Lëvizjes Socialiste për Integrim, Luan Rama

 Dëshiroj të tërheq vëmendjen e opinionit publik, por ndërkaq edhe vëmendjen e institucioneve që monitorojnë procesin zgjedhor, pasi në disa zona zgjedhore në Qarkun e Durrësit ka një përshkallëzim dhe rritje të ndërhyrjes së grupeve të organizuara kriminale që ushtrojnë presion mbi votuesit, në afërsi apo brenda qendrave të votimit.

Më alarmante është situata në zonën e Shijakut e cila është totalisht jashtë kontrollit të strukturave të Policisë së Shtetit. Atje strukturat e policisë janë inekzistente. Grupet e armatosura, që lëvizin me mjete të blinduara, me targa false dhe me suport politik nga individë të spikatur të Rilindjes, vazhdojnë të ushtrojnë presion mbi qytetarët.

Ne kemi vënë menjëherë në dijeni të gjitha trupat monitoruese në vend. Kemi vënë në dijeni edhe misionin vëzhgues të OSBEODIHR-it, ambasadën e Shteteve të Bashkuara të Amerikës në Tiranë dhe ambasadorë të tjerë të vendeve anëtare të BE-së, për të tërhequr vëmendjen te situata shumë e rëndë që është aktualisht në zonën e Shijakut. Tërheqim vëmendjen, sepse atje mund të përshkallëzohet veprimi i grupeve kriminale dhe pasojat pastaj mund të jenë shumë më të rënda se kaq.

Ndërkaq e njëjta situatë vazhdon të jetë edhe në Qarkun e Lezhës, ku grupe kriminale vazhdojnë të lëvizin lirë nëpër zonat zgjedhore pa pasur asnjë pengesë nga strukturat e Policisë së Shtetit.

Është skandaloze, është gjithashtu alarmante, që strukturat e Policisë së Shtetit nuk kanë asnjë komunikim me ministrin e Brendshëm. Dhe ministri i Brendshëm nuk ka asnjë autoritet për të kërkuar zbatimin e ligjit nga Drejtori i Përgjithshëm i Policisë. Një strukturë që është totalisht jashtë autoritetit dhe jashtë kontrollit të ligjit.

Prandaj i ftoj qytetarët me shumë përgjegjësi të shmangin të shmangin rënien në provokime të këtyre grupeve kriminale dhe me vendosmëri të vazhdojnë të marrin pjesë në procesin e votimit, sepse vota e tyre është padyshim ndëshkimi i parë ndaj kësaj situate kriminale të krijuar në vend. Ndëshkim tjetër fillon më datë 26, sepse janë evidentuar të gjitha këto grupe kriminale dhe njerëzit që i suportojnë bashkë me përfaqësues të strukturave të policisë dhe do të përgjigjen ligjërisht një më një të gjithë ata njerëz që kanë kontaminuar dhe kanë krijuar probleme dhe vazhdojnë të krijojnë probleme për procesin zgjedhor. Shqipëria nuk mund të jetë më vendi peng i bandave, i krimineleve dhe i trafikantëve të drogës.

Keni denoncuar për herë të dytë, keni evidentuar dhe keni drejtuar dhe gishtin ndaj elementëve të caktuar. Si e parashikoni pjesën tjetër të ditës?

Po, kam denoncuar dhe vazhdoj të denoncoj. Një drejtor i përgjithshëm i policisë që është i pandehur, që është person nën akuzë për shkak të një vepre penale dhe të shkeljes së ligjit, nuk ka rrugë tjetër vetëm se t’ju shërbejë atyre që e mbajnë në pushtet për të bërë atë që po bën në fakt një pjesë e strukturave të Policisë së Shtetit që është nën urdhrat e grupeve kriminale. Kjo është dokumentuar dhe është demonstruar në Lezhë, është dokumentuar dhe po ndodh në Shijak, është dokumentuar dhe ka ndodhur edhe në zona të tjera të vendit dhe është kjo arsyeja që unë ftoj qytetarët të jenë të vëmendshëm dhe të vendosur, sepse vota e tyre është padyshim më e fortë se sa vota e armëve që kanë grupet krimininale.

Në asnjë vend tjetër normal, në asnjë vend tjetër evropian, në asnjë vend tjetër të BE-së, nuk do të mund të guxonte të rrinte në detyre një drejtor i përgjithshëm i policisë që është nën akuzë dhe që është marrë i pandehur. Kjo ndodh në Shqipëri, sepse frymëzimin këta e gjejnë të thirrja e Kryeministrit që u tha policëve: hiqni uniformat dhe merrni vota për PS-në. Dhe ata këtë gjë po bëjnë. Ftoj personat e përgjegjshëm, oficerë policie që dinë se çfarë është ligji dhe që zbatojnë ligjin, të distancohen nga veprimet e papërgjegjshme të disa drejtuesve të tyre. të distancohen nga bashkëveprimi me grupet kriminale dhe t’i shërbejnë zbatimit të ligjit, t’i shërbejnë detyrës dhe misionit të tyre kushtetuese për të garantuar rendin dhe sigurinë publiken vend.

ORA 12:00/LSI nxjerr fotot: Këta janë dy personat që po shpërndajnë para në Durrës

Lëvizja Socialiste për Integrim ka denoncuar sot një përfaqësues të Partisë Socialiste që sipas kësaj force politike po shpërndan lekë në këmbim të votës, trasmeton panorama. Sipas LSI ai është Agron Sulejmani, votues në qendrën e votimit Shkolla e Muzikës si dhe koordinatori i PS i lagjes nr. 3 Ledion Lako që shpërndajnë para.

ORA 12: 11/Lezhë, policia konfirmon plagosjen e anëtarit të LSI. Por nuk jep të dhëna për autorët

Policia e Lezhës ka dalë pak minuta më parë me një deklaratë për mediat për plagosjen e ndodhur sot në Shëngjin.

Policia konfirmon incidentin por nuk jep asnjë të dhënë për autorët dhe motivet e ngjarjes që ndodhi para Qendrës së Votimit.

Njoftimi i policisë Lezhë:

Me datë 25.06.2017, rreth orës 10:15 është marrë njoftim se në rrugën kryesore midis shkolles 9- vjeçare Shëngjin dhe lokal “Restorant Detari” në Shëngjin ka  patur të shtëna me  armë zjarri.  Menjëherë në vendngjarje kanë mbërritur shërbimet policore ku nga kqyrja e vendit të ngjarjes  është gjetur dhe  sekuestruar 1 gëzhojë armë zjarri.

Tek spitali nuk ka mbërritur asnjë person për ndihmë mjekësore.  Nga hetimet paraprake dyshohet se konflikti ka qenë i çastit midis shtetasit F.D. 27 vjeç, dhe personave të tjerë për të cilët po punohet për identifikimin e tyre. Në bashkëpunim dhe koordinim me Prokurorinë e Rrethit Gjyqësor Lezhë , vazhdojnë hetimet për zbardhjen e motiveve dhe  rrethanave të ngjarjes.  Proçesi i votimit vijon normalisht.

ORA 12:05/ Ministria e Brendshme: Po blihen vota

Ministria e Punëve të Brendshme njofton se është shtuar numri i denoncimeve për rastet e dyshuara të veprës penale të shitblerjes së votave dhe intimidimit të votuesve.

Pranë grupeve të posaçme të ngritura në Ministrinë e Brendshme dhe Policinë e Shtetit kanë mbërritur qindra denoncime që flasin për një fenomen në rritje të tentativave për blerje të votave.

Në këto kushte, Ministria e Punëve Brendshme iu bën thirrje të gjithë qytetarëve që të mos bien pre e personave që kryejnë këtë vepër penale e cila dënohet me ligj.

I inkurajojmë të gjithë qytetarët që të denoncojnë çdo rast të tentativës për blerje të votës apo intimidime të tjera në numrin e Policisë së Shtetit 112 ku anonimiteti i denoncuesit është i sigurt; dhe për raste të abuzimit të punonjësve të policisë me detyrën në numrin 08009090.

Sqarojmë të gjithë qytetarët se për shkak të kufizimeve të posaçme ligjore për rolin e policisë së Shtetit gjatë ditës së zgjedhjeve, të denoncojnë zyrtarisht në numrin 112 në mënyrë që Policia e Shtetit të veprojë për të vendosur para ligjit abuzuesit.

U bëjmë thirrje edhe anëtarëve të Komisioneve të Qendrave të Votimit që për çdo rast parregullsie të njoftojnë KZAZ-në, e cila është autoriteti ligjor që duhet të njoftojë Policinë e Shtetit për të rikthyer normalitetin në Qendrat e Votimit.

Ministri i Punëve të Brendshme, z. Dritan Demiraj garanton të gjithë qytetarët se çdo krim elektoral do të ndëshkohet me rreptësi sipas parashikimeve ligjore.

Ai u bën thirrje edhe subjekteve politike që të ulin tensionet dhe të punojmë bashkërisht për një proces zgjedhor të qetë.

11: 50/ MB: Po hetojmë denoncimet

Ministria e Punëve të Brendshme njofton se është shtuar numri i denoncimeve për rastet e dyshuara të veprës penale të shit-blerjes së votave dhe intimidimit të votuesve. Pranë grupeve të posaçme të ngritura në Ministrinë e Puneve te Brendshme dhe Policinë e Shtetit kanë mbërritur qindra denoncime që flasin për një fenomen në rritje të tentativave për blerje të votave.

Në këto kushte, Ministria e Punëve Brendshme iu bën thirrje të gjithë qytetarëve që të mos bien pre e personave që kryejnë këtë vepër penale e cila dënohet me ligj. I inkurajojmë të gjithë qytetarët që të denoncojnë çdo rast të tentativës për blerje të votës apo intimidime të tjera në numrin e Policisë së Shtetit 112 ku anonimiteti i denoncuesit është i sigurt dhe për raste të abuzimit të punonjësve të policisë me detyrën në numrin falas 08009090.

ORA 11:48/Policia e Shtetiet: Kemi nisur procedime penale

Sinjalet për tentativa të blerjes së votës apo intimidim të votuesve janë duke u hetuar nga Policia e Shtetit, e cila ka nisur disa procedime penale gjatë së dielës. Sipas informacioneve të shpërndara nga Ministria e Brendshme, përpjekjet për blerjen e votës janë identifikuar në Elbasan, Cërrik, Krujë apo Fier, ku gjashtë persona që njihen si mbështetës të forcave të ndryshme politike janë ndaluar duke shpërndarë para ose pako me ushqime për votuesit.

Ora 11: 40/Plagosja e anëtarit të LSI. Meta: Bandat e drogës nuk mund të mbajnë peng Shqipërinë

Kryetari i Kuvendit, Ilir Meta është nisur sot rreth orës 11:40 me urgjente drejt qytetit të Lezhës. Në këtë qark ka pasuri incidente serioze gjatë procesit të votimit.

Një anëtar i LSI-së u plagos me armë nga persona ende të paidentifikuar nga policia. Sulmi ndaj tij është bërë jashtë qendrës së votimit. Dëshmitarët thanë se kanë qenë 10 persona me armë që kanë qëlluar ndaj aktivistit të LSI-së.

Situata në gjithë Lezhën dhe kryesisht në Shëngjin është mjaft e tensionuar. Kreu i Kuvendit, Ilir Meta tha se LSI është në mbrojtje të zgjedhjeve te lira. “Bandat e drogës nuk mund të mbajnë peng Shqipërinë”,- tha Ilir Meta.

ORA 11:35/Manjani: Është dita e votës kundër dhunuesve

Ish-ministri i Drejtësisë, Ylli Manjani ka komentuar procesin e votimit. Ai thotë se kjo ditë do të tregojë nëse do të ndëshkohet terrori elektoral. “Do fitojë apo do ndëshkohet hajnia e terrori elektoral i një njeriu të vetëm?! Kjo është pyetja sot! Është dita e votës kundër dhunuesve!!!”,- shprehet Manjani. 

Do fitojë apo do ndëshkohet hajnia e terrori elektoral i një njeriu të vetëm?! Kjo është pyetja sot! Është dita e votës kundër dhunuesve!!!

— Ylli Manjani (@yllimanjani) June 25, 2017

 ORA 11:37/Në Shijak, persona me armë në qendrat e votimit

Korrespodenti i “Koha Jonë” në Durrës raporton pse situatë alarmante në disa qendra votimi në Shijak. Në Bashkine Shijak, në çdo Qendër Votimi të kësaj bashkie, ka eksponentë kriminalë që lëvizin me makina të blinduara dhe të armatosur. Vihet re një mungesë totale e policisë në Qendrat e Votimit edhe pse ka 3 orë që njoftohen nga komisionarët.

ORA 11:20/ Denoncimi i rrallë. Qytetari në Vlorë: Dikush ka votuar në emrin tim.

Një ngjarje e paprecedent vjen nga qyteti i Vlorës teksa një qytetar ankohet se dikush ka votuar në emrin e vet. Ai u shpreh se shkoi për të votuar në qendrën e lagjes së vet ashtu siç ka bërë gjithmonë, por komisionerët i thonë se dikush ka votuar në emrin e vet. “Mendova se mos ndoshta mund të kishte ndonjë ngatërresë pasi mund të ketë edhe persona me emër dhe mbiemër të njëjtë, por më thanë që ka pasur edhe numrin e kartë të njëjtë. Kam 60 vite që jetoj këtu dhe s’më ka ndodhur asnjëherë kjo gjë”, tha ia. Ndërsa kryesuesi i listës së LSI-së në Vlorë, Shezai Rrokaj tha se po tentohet të blihet vota në çdo mënyrë dhe se për çdo rast është bërë denoncimi pranë organeve kompetente.

ORA 11:15. Basha voton me dy gishtat lartë

https://www.facebook.com/lulzimbasha.al/videos/1551767931541049/

ORA 11;15/Komisioneri i PS shtyn kamerën e News24 dhe iu përplas derën gazetarëve

Një incident ka ndodhur në Korçë sot gjatë procesit të votimit në shkollën “Themistokli Gërmenji”. Gazetarja Ledjona Xheladinaj raporton për “BalkanWeb” se votimi është bllokuar për shkak të vendosjes së shenjave në fletët e votimit. Ndërsa grupi i xhirimit të News24 ka tentuar të filmojë dhe të hyjë brenda, komisioneri i PS-së Vangjush Nole ka shtyrë kamerën e News24. Nole nuk ka lejuar gazetarët të hyjnë brenda në QV duke iu përplasur derën gazetarëve.

ORA 11:00/LSI: Ngjarje kriminale në Shëngjin. Për çdo pikë gjaku, Rama e Çako përgjegjës

Nënkryetari i LSI-së Luan Rama e quan ngjarje kriminale ngjarjen e ndodhur jashtë një qendre votimi në Shëngjin ku u është lënduar një aktivist i LSI-së. Luan Rama: Në Shëngjin para pak çastesh, një aktivist anëtarë i LSI është plagosur nga tre njerëz të armatosur në përbërje të një grupi të njohur kriminal të rilindjes që prej ditësh vepron në mbrojtjen e strukturave kriminale të policisë së shtetit në atë qark.

I plagosuri është Florja Dushku, ka qenë në punën e vet, në një aktivitet normal. Është plagosur nga ata që rilindja i ka klonuar dhe fabkrikuar në mënyrë të kriminalizuar për ti përdorur siç i ka përdorur gjatë gjithë fushatës por më drejtëpërdrejtë si i përdori sot. Është rasti i tretë në Lezhë që aktivistë të LSI plagosen nga e njëjta bërthamë që vepron atje. Ky është një prej rasteve.

Për çdo pikë gjaku të qytetarëve të pafajshëm përgjegjësia bie mbi kryeministrin e rilidnjes Edi Rama dhe Drejtorin e Përgjithshëm të Policisë. Pas nga Ministri i Brendshëm i është kërkuar shkarkimi i drejtorit të policisë Lezhë.

https://www.facebook.com/levizjasocialisteperintegrim/videos/1614468618566390/

LEXONI DHE:

Kush e vrau policin në Korçë?

Plagoset me armë aktivisti i LSI

Rrihet barbarisht komisioneri i LSI nga militantët e PS

Komisioneri i PS filmohet në makinë duke dhënë lekë për vota

Përplasja me armë para QV në Shëngjin, plagoset aktivisti i LSI-së

Militantët e PS “rrethojnë” qendrën e votimit në Pogradec

Përplasen komisionerët bllokohet votimi për disa minuta

PD: Përfaqësuesit e PS bllokojnë votimin, presion qytetarëve.

Blerja e votave në Vorë- Arrestohet komisioneri i PS dhe dy të tjerë 

Drejtori i OSHEE në Gjirokastër Andi Shkurta kërcënon gazetaren

Denoncimi i PD: Si më kërcënoi në telefon Niko Peleshi

“Pazar elektoral” në Elbasan, tre persona nën hetim

Komisionerit të LSI i djegin makinat natën në oborr

 ORA 11:00/Rama voton, përcjell një mesazh të shkurtër

Kryeministri Edi Rama ka votuar në orën 11:00 në Qendrën e Votimit në Surrel. I shoqëruar nga bashkëshortja e tij, Linda, i është drejtuar kutisë së votimit. Teksa hidhte votën në kutinë e votimit, kryeministri Rama është shfaqur i buzëqeshur.

“Gëzuar Bajramin, qoftë një ditë e bukur për Shqipërinë. Jam besimplotë se do të kemi një ditë të bukur”, tha Rama, në mesazhin e tij të shkurtër për shqiptarët pas votimit.