Shqipërisë i ka rënë kanceri cannabis!

“Qentë e drogës në pikat doganore janë të lodhur. Era e canabisit i ka dehur.  Ç’të bëjmë? Vetëm me foto nga lart e shkulje nga poshtë nuk i dilet”…  

Nga Ylli Dylgjeri

Pas goditjet spetakolare të drogës së Lazaratit, metastazat e cannabisit morën dhenë anembanë territorit që quhet Shqipëri. Për herë të parë nuk dëgjuam që mbi këtë tumor Lazaratas nuk ka nevojë për kimioterapi në tere vendin.

Pamjet e publikura në TV gjatë javes së shkuar janë ngjethëse. Kudo parcela të mbjella në të gjithë territorin e vëndit. Nga Veriu në Jug. Nga malësia e Shkodres, në malësinë e Vlorës, të Tepelenës, e kudo, gjethet jeshile gjallojnë si gjemba të ngrehur, gati për të shpuar hundet e rinisë konsumatore. Lartësia e saj po mbulon policët, e gazetarët investigativë që bëjnë foto e dergojnë lajme nga parcelat e saj.

Qentë e drogës në pikat doganore janë të lodhur. Era e canabisit i ka dehur.  Ç’të bëjmë? Vetëm me foto nga lart e shkulje nga poshtë nuk i dilet.

Nuk dua të jap më mënd. As nuk po hedh baltë. Por, propaganda e derisotme më bën të vjell. Kush e ka marrë përsipër, duket se nuk e bën dot.

Kërkohet një zgjidhje tjetër.