Shqiptari që ngacmoi modelen serbe, shmang me gjenialitet ‘incidentin ndërkombëtar’

Modelja serbe Tamara Duric, e cila këto ditë po pushon në Budva, duket se paska shkaktuar “incident ndërkombëtar”.

“Gjatë argëtimit të natës, një shqiptar tentoi t’i vardiset Tamarës. Mirëpo, meshkujt të cilët e shoqëronin modelen, e rrahën shqiptarin paq, sepse guxoi t’i drejtohej asaj. Të nesërmen i ka kërkuar falje Tamarës dhe i ka ofruar jahtin si dhuratë madje, – shkruan gazeta serbe Alo.

“Tamara doli në mbrëmje me miqtë. Ndërsa po kënaqeshin, bukuroshja seksi i kishte tërhequr vëmendjen një shqiptari. Ai filloi të vardiset, mirëpo miqtë e saj e rrahën keq”, tregon një dëshmitar okular për këtë gazetë.

Mirëpo, sipas këtij burimi, “të nesërmen shqiptari iu është afruar miqve të Tamara’s dhe iu ka kërkuar falje. E më pas i ka ftuar në jahtin e vet, por me kusht që ta sjellin edhe Tamarën. Ajo nuk dinte gjë, dhe kur ka hipur në jaht dhe ka parë shqiptarin, ishte habitur shumë.

Shqiptari i kishte kërkuar falje dhe i kishte thënë se dëshironte t’i falte jahtin që ajo të pranonte faljen e tij! Tamara e kishte falur, por dhuratën e kishte refuzuar”, kishte treguar ky “burim” dhe kishte thënë se Tamara ishte zemëruar me miqtë e vet, pse e kishin çuar në jahtin e shqiptarit. Për këtë madje kishte ndërruar dhe hotelin që të mos takohej me miqtë”.

A ka diçka të vërtetë në këtë “incident” nuk dihet pasi modelja nuk ishte prononcuar për këtë gjoja incident.