Si i mbron Mishel Platini bosët e trukimit të ndeshjeve në Turqi

, por informacionet e fundit mbi implikimin e Platinisë në një skemë korruptive për organizimin e botërorit 2020 në Katar, hedhin dyshime serioze mbi mbarëvajtjen e këtij hetimi kundër Fehnerbaçesë.

Siç dihet, z. Mishel Platini është treguar shumë strikt kur plasi ky skandal i fiksimit të ndeshjeve në Turqi, madje ai ka bërë një sërë deklaratash se fiksimi dhe trukimi i ndeshjeve duhet të ndëshkohet ashpër, por procedimi i kësaj çështje u ngadalësua dhe u pengua menjëherë pas vizitës së Platini në Ankara dhe takimit të tij me kryeministrin Erdogan.

Në kundërshtim me të gjitha rregulloret e veta dhe procedurën disiplinore, (të cilat renditen në vijim) për përjashtimin e Fenehrbaçesë dhe ekipeve të tjera të implikuara në trukimin e ndeshjeve në kampionatin turk, UEFA ka vonuar aplikimin e sanksioneve dhe e ka bllokuar këtë proces.

-1. Prezantim i skandalit me trukimin e ndeshjeve në Turqi

Në fund të vitit 2010-2011, sezoni futbollistik turk Fenerbahçeja u shpall kampione pasi përfundoi kampionatin me të njëjtin numër pikësh si rivalja e saj, ekipi i Trabzonspor, por arriti një rezultat më të mirë në ndeshjen direkte mes tyre. Por futbolli turk u trondit kur u zbulua se suksesi i ekipit të Fenerbahçesë ishte rezultat i një prej skandaleve më arbitrare të fiksimit dhe trukimit të ndeshjeve. Një investigim i gjatë policor zbuloi një sindikatë krimi të sofistikuar në Turqi, ku përfshiheshin dhjetëra zyrtarë të një profili të lartë. Ndonëse ky hetim nxori në pah të implikuarit dhe fajtorët, as ekipi i Fenerbahçesë dhe as personat e implikuar nuk u ndëshkuan, madje ata vazhdojnë të bëjnë politikat e futbollit në Turqi dhe të kenë ndikim në kampionat.

-2. Prezantim i vendimeve të dhëna në Turqi dhe Evropë për skandalin

-Më datën 2 Gusht 2012, gjykata turke i gjeti fajtorë ekipet e Fenerbahçesë dhe Beshiktashit për fiksimin e ndeshjeve

-Më 10 Qershor 2013, UEFA e gjeti fajtore Fenerbahçenë dhe Beshiktashin për fiksimin e ndeshjeve, kështu vendosi dhe Komisioni Disiplinor dhe Komisioni i Apelit në UEFA disa javë më vonë.

-Më datën 28 Gusht 2013, Gjykata e Arbitrazhit Sportiv(CAS) e gjeti fajtorë Beshiktashin dhe Fenerbahçenë

-Më datën 17 janar 2014, Gjykata e Lartë në Turqi i gjeti fajtore të dyja skuadrat për trukimin e ndeshjeve

-3.Detyrimet e Federatës Turke pas daljes së skandalit

-Federata turke ka detyrimin që për të gjithë personat e gjetur fajtorë për trukimin e ndeshjeve, të ndërrmarë të gjitha ndëshkimet ligjore siç parashikohet në kodin disiplinor të UEFA-s

-4.  Cilat ishin ndërhyrjet politike që mbrojtën baronët e trukimit?

-Ndërhyrja e parë, Më 24 Nëntor 2011, parlamenti i Turqisë ndryshoi ligjin për sportin, duke zbutur të gjitha masat që ndëshkuese për krimin në fushën e sportit.

-Ndërhyrja e dytë, Pasi Gjykata e Lartë e Turqisë i gjeti fajtorë drejtuesit e Fenerbahçesë në Janar 2014, zëdhënësi i këtij ekipi tha se kishte marrë premtimin e Kryeministrit Erdogan, se Gjykata e Lartë e Turqisë, do e rigjykonte çështjen për Presidentin e Klubit. Kështu ndodhi, 5 muaj më vonë çështja u ri-gjykua dhe dënimi i tij u zbut dhe Presidenti i Fenerbahçesë u lirua nga burgu.

-5. Pse UEFA nuk i jep fund këtyre situatave të korrupsionit arbitrar?

Në dukje UEFA shfaqet shumë e prerë dhe strikte me problemin e trukimit të ndeshjeve. Por nëse sheh pak më në thellësi të skandalit me Fenerbahçenë, vëren kollaj se UEFA  ka bërë ç’është e mundur për të marrë në mbrojtje autorët kryesorë të kësaj skeme trukimi.

Në lidhje me skandalin e Fenerbahçesë, ishte dhe Gjykata e Arbitrazhit Sportiv(CAS) ajo e cila tha në vendimin e saj, se Komisionet Disiplinore të UEFA-s, kishin neglizhuar dhe toleruar një sërë shkeljesh të rënda të bëra nga ky ekip dhe drejtuesit e tij dhe për pasojë Gjykata e Arbitrazhit nuk mund t’i kishte më objekt të shqyrtimit të saj këto shkelje, përveç se në rastin kur nga vetë UEFA do të kërkohej një procedim konkret dhe i posaçëm.

Por një tjetër fakt tejet interesant është dalja në media e një incizimi telefonik të kryeministrit Erdogan me të birin e tij, Bilalin. Në telefonatë Erdogani thoshte se ai kishte marrë të gjitha garancitë nga Senes Erzik se UEFA nuk do të ndëshkonte sipas rregullave dhe në mënyrë shembullore ekipin e Fenerbahçesë dhe drejtuesit e këtij ekipi.

Senes Erkiz është zëvendës/Presidenti i UEFA-s, është krahu i djathtë i Mishel Platinisë, ndërsa ka me dhjetëra evidenca ku në Turqi atij i kërkohej hapur dhe publikisht të ndikonte në UEFA që ekipi i Fenerbahçesë të ndihmohej në çdo mënyrë, ndërsa UEFA ka zgjatur pa fund penalizimet për ekipet e gjetura të implikuara në Turqi. Me një rast të ngjashëm të ndodhur në Greqi UEFA ndërmori masa të ashpra dhe strikte ndaj të gjithë presidentëve të klubeve dhe zyrtarëve të përfshirë në trukimin e ndeshjeve duke i përjashtuar. Por ndonëse për disa zyrtarë të Fenerbahçesë dhe Beshiktashit, Gjykata e Lartë Turke ka vendosur përjashtimin përjetë të tyre nga çdo aktivitet futbolli, UEFA nuk reagon fare për angazhimin e tyre me kohë të plotë në kampionat edhe pse jane denuar nga gjykata.

Ne e pyetëm zyrtarisht zotin Platini se përse ai nuk e detyron Federatën Turke të Futbollit që të zbatojë rregulloren e saj dhe të UEFA-s dhe përse UEFA ka vepruar me standarde të dyfishta mbi skandalet e trukimit të ndeshjeve. E pyetëm dhe mbi zëvendësin e tij Senes Erkiz për të cilin ka disa të dhëna se ka marrë përsipër që të ndikojë UEFA-n me qëllim lehtësimin e pozitave të ekipit të Fenerbahçesë, por nga zyra e z.Platini, na u tha se UEFA nuk do i përgjigjej këtyre pyetjeve specifike.

*Marrë nga Pol.al