Të ardhurat nga akciza , rritje vjetore me 4.9 %

Të ardhurat nga akciza gjatë periudhës janar-shtator janë realizuar në vlerën 31 miliard lekë , ose 4.9% më shumë se 9 mujori i vitit 2015.
Sipas të dhënave të publikuara nga ministria e Financave, sasia e cigares së importuar është rritur me 314 ton ose 16.8% më shumë krahasuar me të njëjtën periudhë të vitit 2015 duke arkëtuar 2.4 miliard lekë më shumë.

Ministria e Financave thotë se arsyet e performancës pozitive përveç përmirësimit të vazhdueshëm të administrimit, lidhen edhe me situatën e normalizuar të fluksit të importeve të pandikuar nga ndryshimet e nivelit të taksimit për vitin 2016 për cigaret.

Për zërin “karburant import + prodhim vendi”, edhe pse sasia e karburantit është rritur me 0.4% ose 1,571 ton, efekti i rënies së çmimit të karburanteve ka sjellë për pasojë rënien e të ardhurave nga akciza për karburantet me rreth 5.3% krahasuar me të njëjtën periudhë të vitit 2015.