Tifozi i Padovas, kontratë para martesës për ekipin e zemrës

Zemra nuk komandohet dot dhe kjo tregohet edhe kur je i dashuruar me  skuadrën të cilën e ke mbështetur që në vegjëli. Një kontratë paramartesore për të ndjekur skuadrën e zemrës, që të mos haste në asnjë problem gjatë martesës, është firmosur vite më parë mes një çifti në Itali. I riu italian Gianfranco Borsatti i ka bërë të fejuarës së tij, një propozim krejt të veçantë. Ishte viti 1997 kur bashkëshortja e tij firmosi kontratën dhe sot pas 18 vitesh ajo e ka respektuar atë me pëpikmëri, pa i nxjerrë asnjë problem të shoqit. Sot 55 vjeç Gianfranco Borsatti sqaron se Orietta i ka qëndruar besnike premtimit për ta lejuar të ndiqte çdo ndeshje të skuadrës së Padovas. – “Unë pranoj që bashkëshorti im të ndjekë të gjitha ndeshjet e shtëpisë dhe ato të transfertës që ai i konsideron të rëndësishme”, shkruante Orietta 18 vjet më parë në kontratën e saj të martesës. Në këtë mënyrë, Gianfranco e ka ndjekur skuadrën e Padovas çdo fundjavë por me një kosto të madhe për të, si për blerjen e biletës, ashtu edhe për udhëtimin. Atij si detyrim i është dashur ta shoqërojë bashkëshorten në koncerte apo mbrëmje teatrale. Një histori e veçantë, që sjell të gërshetuar dashurinë për familjen me  futbollin dhe artin. Një histori