Tragjedi në Lushnjë, babë e bir ndërrojnë jetë brenda pak orësh

Një tragjedi e dyfishtë ka goditur familjen Qokaj në Lushnjë, ku babë e bir kanë ndërruar jetë brenda një harku kohor prej pak orësh. Fillimisht, u raportua vdekja e kryefamiljarit, Ndue Martin Qokaj, në moshën 88-vjeçare.

Pak orë më pas, djali i tij, Besnik Qokaj, 49 vjeç, ka humbur jetën në mënyrë të papritur.

Sipas raportimeve, ai ishte shtrirë për të pushuar gjatë mbrëmjes kur u gjet pa jetë nga familjarët. Ishte bashkëshortja e tij që tentoi ta zgjonte, por pa sukses, duke konstatuar më pas vdekjen e tij.

Komuniteti lokal e përshkruan Besnik Qokajn si një qytetar model dhe një njeri me vlera të rralla për qytetin e Lushnjës.