Trajnimi i komisionerëve Zguri u jep porositë ekspertëve

Kryetari i Komisionit Qendror të Zgjedhjeve është bërë pjesë e tryezë së trajnimeve të komisionerëve për zgjedhjet e 25 qershorit.

Kreu i KQZ Klement Zguri dha mesazhet e tij trajnuesve të cilëve u kërkoi angazhim të plotë për të bërë të mundur që komisionerët të jenë profesional gjatë procesit të administrimit të zgjedhjeve ndërsa u kujtoi atyre se mungesa e njohurive apo ndryshimi i komisionerëve ndër vite e ka vështirësuar këtë proces.

Ky takim u zhvillua pas mbledhjes së Komisionit Qendror të Zgjedhjeve, mbledhje në të cilën u debatua rreth ndryshimit të një QV në Durrës ndërsa u kërkua që banderolat apo shtabet elektorale të jenë larg qendrave të votimit në përputhje me ligjin zgjedhor.

Trajnimi profesional i komisionerëve konsiderohet një moment i rëndësishëm për mirë administrimin e procesit zgjedhor.

Në këtë kuadër kryetari i KQZ Klement Zguri ka dhënë porositë e tij për trajnuesit, të cilëve u ka kërkuar angazhim maksimal për të bërë të mundur që komisionerët të jenë sa më profesionalë në këto zgjedhje.