Turistët po ikin nga Turqia
Numri i turistëve të huaj që mbërritën në qershor në Turqi ra në nivelin prej 40.9% krahasuar me të njëjtën periudhë të vitit të kaluar, ”ndihmuar” veçanërisht nga mungesa e turistëve rusë në masën 93% më pak dhe e atyre gjermanë me 38% më pak.
Sektori turk i turizmit është goditur rëndë nga shqetësimi terrorist, destabilizimi politik në vend si edhe nga problemet globale.
Grushti i dështuar i shtetit i 15 korrikut mund ta shtojë këtë dëmtim.
”Për të njëmbëdhjetin muaj rresht ka një rënie domethënëse të numrit të turistëve”, tregojnë të dhënat e Ministrisë turke të Turizmit.
Numri i vizitorëve nga ekonomitë kryesore evropiane dhe globale ishte 40.9% më pak në qershor, 35% më pak në maj dhe 28% më pak në prill.
Turizmi rus ra përnjëherë pas rrëzimit të avionit rus në territorin turk vitin e kaluar, ndërkohë që Moska vetëm para pak javësh hoqi ndalimkin e fluturimeve çarter me Ankaranë.
Edhe atentatet e fundit me bomba kanë ndikuar ndjeshëm në rënien e këtij numri.