U përplasën për vdekje, detaji tragjik për nusen dhe vjehrrin

E shtuna u përgjak nga aksidenti tragjik që i mori jetën Xhemil Piskut dhe nuses së djalit të tij, Edlira Pisku, dhe që ka lënë në gjendje të rëndë nipin 8-vjeç që ndodhet në spitalin e Durrësit. Shoferja përplasi për vdekje nusen dhe vjehrrin në vendin e quajtur ”Mali i Robit” në Kavajë.

Miqtë dhe fqinjët nuk arrijnë t’i ndalin lotët. ”Burrë më i lartë në zonën e Golemit. Po shkonin në Berat me nusen e djalit. Ka fejuar djalin dhe po çonte nusen. Jemi komshinj po shumë të afërt. Kemi 20 vjet bashkë në Golem, në qendër. Familje e nderuar, edhe nuse, edhe çunat”, thonë ata.

Banorët e kësaj zone kanë shqetësim të madh mungesën e një mbikalimi, gjë e cila iu rrezikon jetën çdo ditë. “Mbikalimi është shumë problem”, shprehen ata.