UEFA, thuaj “Po” Racizmit!”

, Tirana. Me qindra protestues u mblodhën në sheshin para Piramidës dhe protestuan ndaj vendimeve të UEFA-s, që i dha tre pikë në tavolinë Serbisë. “UEFA, “Po” racizmit!” ishte slogani i tyre, apo thirrjet kundër kreut të UEFA-s, Mishel Platini, i cili konsiderohej përgjegjës kryesor i gjithë asaj që ndodhi në Beograd. Ndeshja e 14 tetorit u ndërpre prej dhunës së shkaktuar nga huliganët serbë, por UEFA mori në konsideratë një deklaratë të bërë nga gjyqtari i ndeshjes, se kuqezinjtë nuk pranuan të vazhdonin lojën dhe mbi këtë “logjikë qesharake” Komisioni i Disiplinës zbatoi rregulloren me përpikëri, duke ndëshkuar Shqipërinë. Edhe Serbisë iu zbritën tre pikë, ndërsa përfituan më tepër dy ekipet e tjera të grupit, Portugalia e Danimarka, që tani mund të kualifikohen më lehtë.    

Protesta  para UEFA-s edhe në Zvicër!

“UEFA Respect, say “Yes” to Racism”, “UEFA, i tha “PO” Racismit” kanë  qënë pankartat  ku qindra shqipëtarë janë mbledhur dje për të protestuar përpara zyrave të UEFA-s, në Nyon të Zvicrës, aty ku u mblodh Komisioni i Disiplinës dhe dha vendime skandaloze pas ngjarjeve në Beograd. Protestuesit qëndruan për më shumë se një orë përpra selisë së UEFA-s në Zvicër, duke brohoritur me pankartat, ku shprehej qartë indinjata për një vendim racist kundrejtë shqiptarëve.  Racizmi ishtë një nga faktorët kryesorë të kësaj proteste që çoi në  grumbullimin e qindra shqipëtarëve përpara zyrave të UEFA-së. Ashtu siç pritej lajmërimi është përhapur në rrjetet sociale nga ku protesta filloi. Flamujë kuq e zinjë kanë shoqëruar gjithë brohoritjet e tubimit paqësor të shqipëtarëve pranë zyrave të UEFA-s dhe protestuesit, që mendohet të kenë qënë mbi një 500 te tillë, janë larguar të qetë pas përfundimit të protestës. Vendimi i UEFA-s në disfavor të Shqipërisë duket se ka indinjuar një numër të madh emigrantësh shqiptarës në Zvicër!