Urdhri i Ministrit Ahmetaj për lehtësimin e shërbimeve për qytetarët dhe sipërmarrjen

Në vijim të deklaratës së sotme të Kryeministrit  Edi Rama për lehtësimin e shërbimeve për qytetarët dhe sipërmarrjen, vjen dhe urdhri i ministrit Ahmetaj për “Lehtësimin e Kërkesave Dokumentare të Shërbimeve të Ofruara ndaj Biznesit dhe Qytetarëve nga Ministria e Financave dhe Ekonomisë dhe Institucionet në Varësi të saj”, ku detajohet lista e dokumenteve që institucionet në varësi të Ministrisë së Finanacave dhe Ekonomisë, nuk do t’i kërkojnë më nga qytetarët dhe sipërmarrja, por do t’i sigurojnë përmes platformëa elektronike e-Albania ose nëpërmjet komunikimit dhe ndërveprimit ndërinsitucional.

Pjese e rëndësishme e këtyre dokumenteve janë një numër vërtetimesh të lëshuara nga Drejtoria e Përgjithshme e Tatimeve.

Ministria e Financave dhe Ekonomise po vijon me procesin e deregulimit në të gjithë gamën e shërbimeve që ofrohet në institucionet e varësise, duke synuar reduktimin drastik të dokumenteve të kërkuara nga qytetarët dhe sipërmarrja dhe kalimin në një nivel të ri të modernizimit dhe dixhitalizimit të tyre.