Vazhdojnë pritjet për uljen e sondës Schiaparelli në Mars

Agjencia Hapësinore Europiane duket se ia arriti qëllimit të ulë sondën e saj Schiaparelli në Mars.

Shkencëtarët në fillim ishin të shqetësuar se roboti i rëndësishëm, që ishte i bërë me qëllim demonstrimin e teknologjisë së përdorur për ulje, si dhe për të testuar teoritë për një jetë të mundshme në Mars – kishte humbur, sepse nuk dërgoi mbrapsht një mesazh për të thënë që ishte i sigurtë.

Por shkencëtarët thanë se ata kishin marrë mbrapsht një sinjal nga Mars Express, sonda që po qarkullon aktualisht rreth Planetit të Kuq.

Në fillim ata nuk e konfirmuan se sonda kishte mbërritur mbi planet në mënyrë të sigurtë.

Në selitë e Agjencisë Hapësinore Europiane pati entuziasëm të madh kur mesazhi arriti, duke treguar që sonda ishte futur në orbitë pas 139 minutash të djegies së motorrit.