Veneto Banka rikthehet në një mbështetëse kryesore e sektorit të turizmit

Banka Italiane Veneto Banka  tashmë është një mbështetëse e rëndësishme e sektorit të turizmit. Marrëveshja  e bashkëpunimit është  nënshkruar nga drejtori i VENETO BANKA dhe shoqatës së turizmit duke u kthyer në një prej aktorëve strategjik për këtë sektor

Banka e mirënjohur italiane VENETO BANKA tashmë është kthyer në një mbështetëse shumë e rëndësishme për sektorin e turizmit në vendin tonë. Drejtori i Përgjithshëm  i kësaj Banke ka shpjegur se e rëndësishme është krijimi i një projekti zhvillimi për turizmin ku të përfshihen të gjithë aktorët.

Daniele Scavaortz: “Është një ditë e rëndësishme për Veneto Bankën e cila do të nisë një bashkëpunim strategjik të veçantë me sektorin e turizmit.Kjo do të realizohet nëpërmjet shoqatës shqiptare të turizmit.Ky është një bashkëpunim përtej sponsorizimit duke vepruar me një dinamikë të re që synon të bëj bashkë të gjithë aktorët e sektorit të turizmit në një projekt zhvillimi.”

Në konferencën kombëtare shoqata e turizmit  ka prezantuar partneritetin strategjik me Veneto Banka e cila tashmë do të japë kontributin e saj të rëndësishëm për të zhvilluar turizmin.