VIDEO/ Rama pritet nga kryeministri Starmer në kuadër të Samitit të Berlinit, realizohen edhe fotot familjare të liderëve

Kryeministri Edi Rama ndodhet në Londër, ku po merr pjesë në punimet e Samitit vjetor të Procesit të Berlinit. Në kuadër të Samitit të Liderëve të Ballkanit Perëndimor, kryeministri u prit nga kryeministri i Mbretërisë së Bashkuar, Keir Starmer.

Samiti vjetor i Procesit të Berlinit zhvillohet sot në Londër me pjesëmarrjen e kryetarëve të qeverive, përfaqësuesve të nivelit të lartë të BE-së dhe vendeve partnere të Procesit të Berlinit, institucioneve financiare ndërkombëtare dhe organizatave rajonale të përfshira në proces.

Rama ndodhet në Britaninë e Madhe që prej ditës së djeshme dhe ishte pjesë e panelit të Chatham House, me temë “Ballkani Perëndimor dhe Bashkimi Europian” një diskutim mbi sfidat e secilit prej vendeve të Ballkanit Perëndimor në rrugëtimin drejt anëtarësimit në BE.

Fotot familjare të Samitit të Liderëve të Ballkanit Perëndimor në Londër