Zgjedhjet: PS kryeson në 47 bashki, PD 9, LSI 3 dhe PDIU 2

Lajme E Diel, 30 Maj 2021 23:12

Zgjedhjet e së dielës kanë nxjerrë rezultate interesante edhe sa i përket peshës që ka secila forcë politike që mori pjesë në këto votime në secilën bashki.

Kështu socialistët edhe pse konkurruan më vete në këto zgjedhje kanë dalë fitues si forcë e parë në 47 bashki nga 61 qe ka gjithë vendi.

Ata kanë mundur të konfirmohen forcë e parë në një sërë bashkish të mëdha, si Tirana, Durrësi, Fieri, Elbasani, Korça, Vlora, Lushnja, ndërsa kanë mundur të rimarrin sërish bashki të tjera të rëndësishme, si Berati, Gjirokastra e Kuçova që aktualisht e drejton LSI; Kukësi, Pogradeci e Lezha që aktualisht i drejton PD.

Demokratët nga ana e tyre kanë ruajtur kryesisht bashkitë që konsiderohen si bastione të tyre me disa lëshime jo pak të rëndësishme.

Më konkretisht ata kanë humbur dominancën e tyre në Lezhë, Pogradec.

PD ka mundur të mbajë kryesimin si forcë e parë në total në 9 bashki dhe më konkretisht në Shkodër, Vaun e Dejës, Tropojë, Has, Kurbin, Bulqizë, Kamëz, Vorë e Devoll.

Ndërkohë që LSI pavarësisht se në votë kombëtare ka një rritje me afro 45 mijë vota, sa i përket dominancës së saj si forcë e parë ajo ka mundur të mbajë vetëm tre bashki të parëndësishme si, Çorovoda, Pusteci dhe Dropulli.

LSI ka humbur në këto zgjedhje bashkitë më të rëndësishme, si Beratin, Kuçovën, Gjirokastrën dhe Përrenjasin.

Në dy bashki forcë e parë ka dalë PDIU, e cila ka marrë Peshkopinë dhe Peqinin.

Ajo që vlen të theksohet është se PDIU në disa bashki është renditur forcë e dytë dhe e tretë duke lënë parti më të mëdha pas.

Malësi e Madhe

Pukë

Fushë-Arëz

Kukës

Lezhë

Mirditë

Mat

Klos

Durrës