Zhdoganimi lokal – Doganat japin autorizim për 7 operatorë ekonomikë

Thjeshtimi i procedurave për biznesin tashmë  po përfshin një sërë institucionesh, por veçanërisht ato fiskale.  Një ndër këto lehtësi është  edhe në procesin e zhdoganimit e cila si  procedurë  njihet  si zhdoganimi lokal.

“Zhdoganimi lokal” është një procedurë e thjeshtuar doganore nëpërmjet së cilës një operator ekonomik mund të autorizohet për të kryer procedurat e zhdoganimit te mallrave në  ambientet e tij apo në një ambient tjetër të autorizuar pa kryer formalitetet doganore në zyrë doganore.

Sipas të dhënave zyrtare nga Drejtoria e Përgjithshme e Doganave, aktualisht e kanë përfituar këtë thjeshtim 7 operatorë ekonomikë të cilët kanë plotësuar kriteret e përcaktuara.  Ndërkohë funksionimi i procedurave të thjeshtuara kërkon angazhim jo vetëm të administratës doganore por edhe të vetë operatorëve ekonomikë dhe kryesisht kërkon kualifikim profesional në fushën doganore.

Kjo procedurë e zhdoganimit njihet dhe është aktive në vendet e Bashkimin Europian. Procedura është  standard për këto vende, ndërsa zhdoganimi pranë zyrës doganore është tashmë përjashtimi. Po sipas doganave, nuk ka autorizime specifike për procedurën e zhdoganimit lokal, por miratimi i magazinave doganore është i detyrueshëm , pasi duhet  të përmbushen disa kushte:

• garantimi i nevojshëm për kryerjen e operacioneve në mënyrë të saktë
• paraqitja e garancisë